Amagosa aseWSU namalungu ebhunga likamasipala waseWinnie Madikizela-Mandela kutyikitywa isivumelwa sokuvulwa kwecandelo lezolimo eMbizana.
CommunityEducationLocalNews

26 | Monwabisi Khininda | Mbizana

2 weeks Anetta Mangxaba 50 Views

IYunivesithi i-Walter Sisulu ivule icandelo lezolimo eMbizana phantsi komasipala wasekuhlaleni i-Winnie Madikizela- Mandela ephantsi kwesithili i-Alfred Nzo. Isivumelwano sentsebenziswano sityikitywe kwiveki ephelileyo ngoLwesine, eMbizana.

Oluqhogwano nentsebenziswano luzisa uhlumo kwezoqoqosho kumhlaba wamaMpondo. Eli phulo lizoqinisa lukhuthaze ulimo, indlela elula yokufikelela kwimfundo ephakamileyo, uphuhliso lwezakhono. likhuthaze ufundo nzulo kwezophando nohlumo kuqoqosho.

USodolophu walo masipala uKhansela T.D Mafumbatha uthethe wenjenje: “Namhla ngumhla wembali kuba azalisekile amaphupha abantu abaninzi basemaMpondweni. Ukuvulwa kwecandelo lezolimo kuzovula amathuba kulutsha, kuphuhlise ezolimo, kudaleke amathuba emisebenzi kutsho kuhlume noqoqosho lwale ngingqi. Sinebhongo neqhayiya ukubayinxalenye yeliphulo.”