Uluntu malubambisane ukulwa iingxaki zemihla ngemihla

Monwabisi Khininda | Mpuma Kapa

Isebe lePublic Works and Infrastructure eMpuma Kapa liphawule usuku lweWorld Aids Day ne-16 Days of Activism Against Gender-Based Violence and Femicide kumabala aseBhisho elikomkhulu lephondo. Intetho bezichancatha kuxholo othe: “Overcoming Distruption, Transforming the AIDS Response” Isebe lemiSebenzi yoLuntu lizibandakanye nabemi beli lizwe ekufundiseni uluntu ngobungozi bentsolongwane kaGawulayo bekwafundisa ngokuxhatshazwa kwamanina nabantwana nabantu abaphila nokukhubazeka. UNomalungelo Nomandela obethetha egameni lomphathi wesebe ukhumbuze inginginya yabantu ebizalise ibala ukuba intsuku ezilishumi elinesithandathu zokulwa umkhwa wokuxhatshazwa kwamanina nabantwana uqala kuNovemba uphele nguDisemba kanti ukuliwa kwokuxhatshazwa kwamanina lidabi lemihla ngemihla. “Thina kweli sebe silusapho olunye emsebenzini nasekuhlaleni,” kucacisa uNomandela.

Uphawule ngelithi elekonyaka umhla wokuqala kuDisemba uphawulwa njengeWorld Aids Day elusuku lokunika imbeko kubasebenzi abathi bawa ngenxa yesifo sikaGawulayo nokuhlonipha iintsapho ezichatshazelwe sesi sifo singumbulalazwe. Umhla we-3 Disemba ngumhla iInternational Day of Persons with Disabilities elusuku elibekelwe bucala ukuxhasa abantu abaphila nokugogeka ngokwamalungu omzimba.

UPhucuka Penxa oyingqonyela kweli sebe ukhuthaze abasebenzi ukuba baxhasane ebakhumbuza ukuba basebenza phantsi kweemeko ezinzima ngoko kufuneka babeyimbumba yamanyama ukuze balohlule utshaba.