Ikomishoni Yolwanyulo (IEC) Ibibambe Intlanganiso Yonxibelelwano Namajelo Eendaba As-Ntshona-Koloni.
Intatheli: Ntsikelelo Jonga | Kapa
Ngomhlwa we-13 kule yeDwarha 2026, iKomishini yoNyulo yaseMzantsi Afrika (IEC) yePhondo leNtshona Koloni ibibambe intlanganiso yonxibelelwano namajelo eendaba ukulungiselela uNyulo looRhulumente baseKhaya lowama-2026 (LGE), iqokelela abasebenzi beendaba ukomeleza ukuqonda kwabo inkqubo yonyulo kunye nendima yeendaba ekukhuthazeni unyulo oluthembekileyo, olunolwazi oluthembekileyo noluselubala.
Le ntlanganiso ibibandakanya le miba ilandelayo iphambili;
Mnu Michael Hendrickse, iGosa loNyulo lePhondo (PEO) uthethe ngomgaqo wokuziphatha woNyulo kunye nolwaphulo-mthetho lonyulo. Kwintetho yakhe ukwachaze izinto ekumele ukuba zivumelekile ukwenziwa nezingavumelekanga ngomhla wonyulo ngaphakathi nangaphandle kwezikhululo zovoto. Izinto ezifana nokuba akuvumelekanga ukuba kwenziwe ukhankaso ngaphakathi nangaphandle kwezikhululo zovoto nguye nawuphi na umbutho ngolwasuku.
UNksz Laura Franz-Kamissoko, onguSekela Manejala kwezoNxibelelwano ugxile kumbandela wokwanda kolwazi olungeyonyani kunye nolwazi olulahlekisayo.
UNksz Belinda Mbeleni, uManejala wePhondo: Uthethe ngmalungiselelo onyulo kunye nokulungela ukusebenza. Uchaphazele kwintetho yakhe indlela iKomishoni equle ngayo ukukhlangabezana nemingeni esenokuvela ngexesha lolwanyulo ukuze kungabikho ukulibaziseka kwanokuncedisa ngezithuthi ukuhanjiswa kwezixhobo zokusebenza. Uchaze ukuba u-IEC ulwenzile unxulumano noSAPS ukuqinisekisa ukhuseleko lwabavoti.
UNksz Lenore Oliver, iGosa lezoNxibelelwano uthethe ngokuvunyelwa kwamajelo eendaba kunye nokubhengezwa konyulo.
Le ntlanganiso iphinde yaqinisekisa ukubaluleka kwentsebenziswano phakathi kwe-IEC kunye namajelo eendaba ekuqinisekiseni ukuba abavoti bafumana ulwazi oluchanekileyo, olufika ngexesha kunye nolwazi oluthembekileyo ngonyulo. Abavoti abanolwazi olwaneleyo bayimfuneko ekomelezeni ukuzithemba koluntu kwinkqubo yonyulo kunye nokukhuthaza idemokhrasi enentatho-nxaxheba.
