Kubanjwe itekisi inyinyitheka zingxowa zentsangu

Monwabisi Khininda | Libode

Amapolisa esithili sase-OR Tambo ekhuqaleni kwale nyanza abambe abarhanelwa ababini abaphakathi kwamashumi amane anesibhozo ubudala. Aba barhanelwa babanjwe eLibode nakuTsolo kwiziganeko ezibini ezahlukeneyo. Amapolisa akuTsolo avale indlela u-R396 esingisa eNqanqarhu (Maclear) kubusuku bangoMgqibelo kwisthuba sentsimbi yesithoba anqakula umrhanelwa onama-48 ubudala waseMatatiele ngethuba isithuthi sakhe esiluhlobo lweQuantum ebesisuka kwaBhaca sifunyenwe sisindwa ziingxowa zentsangu ezingama-20. Ngokutsho kwamapolisa le ndoda ibisiya eKapa nalentsangu.Ixabiso lalentsangu ngokwentengiso yasebumnyameni lifikelela kwi-R162000.00

Kwesinye isisganeko kwilali yaseMamfengwini eLibode,amapolisa abambe indoda eneminyaka engamashumi amane ubudala ngoLwesihlanu ebusuku  weveki ephelileyo, emva kokufunyanwa nompu oluhlobo lwe-9mm Norico Pistol ungenazimbumbulu. Isithethi samapolisa uCaptain Welile Matyolo uthi amapolisa alandele iinkcukacha ngemrhanelwa onalo mpu ongekho mthethweni. UCaptain Welile Matyolo oSisithethi samapolisa uthi amapolisa alandele iinkcukacha ngorhanelwa onalompu ongekho mthethweni. UCaptain Matyolo uthi ngethuba kujikeleziswa lo mpu uneneombolo yetyala lophando kwisikhululo samapolisa eKombe KwaZulu Natal ngoApreli 2026. Bobabini abarhanelwa kulindeleke bavele enkundleni yamatyala kuleveki ngamatyala ohlukeneyo.