Kubanjwe isithoba ngobuqhophololo eMaXesibeni  

Intatheli: Monwabisi Khininda | Alfred Neo

Kubanjwe amagosa alithoba asebenzela umasipala wesithili i-Alfred Nzo malunga nobuqhetsebe, ubuqhophololo nokunanisa ngemali ekuma R75 ezigidi kwisivumelwano sezothutho phakathi kweKwanele Capital nomasipala wesithili sase-Alfred Nzo. Eli tyala lisukela kwisivumelwano esasiqala ngomnyaka wama-2015 ukuya ku-2018.

Abasolwa ngu Mcebisi Mlonzi, Bambangazibini Tabata, Xolani Masiza, Paul Mahlasela, Zuko Mani, Clive Else, Shawn Govender, Monalitho Muba noXola Bomela nenkampani iChumani Water Solutions. Abamangalelwa bangaphandle ngebheyile ye-R10000 umntu emnye. Ityala limiselwe umhla we- 30 April 2026 kwaye lidluliselwe kwiMthatha Specialised Commercial Crimes Court.