Sikhatyiwe isicelo sebheyile kodlwengule umguli

October 26, 20232 years Dizindaba 211 Views

23 EyeDwarha 2023 – Monwabisi Khininda

MATATIELE

INkundla kaMantyi eMatatiele isikhabile isicelo sebheyile ebesifakwe nguMongi ojamelene nesityholo sokudlwengula umguli. Ummangalelwa onguSibusiso Dwyili ebengumsebenzi kwisibhedlele iTaylor Bequest njengoMongi (Male Nurse). NgoMvulo weveki esisuka kuyo ummangalelwa ebevele emaplangeni ityala lamiselwa uLwesihlanu weveki esisuka kuyo. INkundla isikhabile isicelo sebheyile ichaza ukhuseleko lommangali njengesinye sezizathu zoko. Loo nto ithetha ukuba uDywili uza kulixoxa ityala lakhe engaphaya kwezitshixo.

Ityala liza kuphinda lixoxwe ngomhla wesithoba kweyeNkanga kulo nyaka. Kutsha nje uMphathiswa wesebe lezeMpilo uNomakhosazana Methudize ukuba isebe lithabathe isigqibo sokuba eli gosa linqunyanyiswe emsebenzini. Ixhoba lifumana inkonzo yoluleko ngokusengqondweni kwiziko iThuthuzela Center.