Abahleli bamaphephandaba asekuhleleni kwintlanganiso ebibanjelwe kwiofisi zeDaily Dispatch eMonti.Abamileyo ukusuka ekhohlo-Lizo Ntsokwana we-Imbewu (eseMonti),Pamela Timakwe we-Eastern Cape Women’s Magazine-(eseMthatha),Fezile Monki weIzimvo (eseGqeberha),Thembisa Mjiba we-(Idikelethu) eDikeni,Buhle Pikelela we-Rainbow News (eseNgqushwa),Gqirha Kate Skinner umlawuli wakwa-AIP kuzwelonke. (Abahleliyo ukusuka ekhohlo) Monwabisi Khininda weIkhwezi News (eMthatha),Dzen Foli weIso News (Kokstad),Kgomotso Lebenya,Simbongile Mdledle weEastern Cape Voice (eMthatha) abangekhoyo kulomfanekiso nguQuan Dambuza wePondoland Times (eBhizana) noZoliswa Mayila we-Izwi leAfrika (eKokstad).
Uncategorized

Abapapashi abantsundu bakhala ngokungaxhaswa

1 year Dizindaba 350 Views

24 EyeDwarha (Oct) 2024 – 07 EyeNkanga (Nov) 2024

Monwabisi Khininda

Kwintlanganiso yabapapashi bamaphephandaba asekuhlaleni nabaphinda babengabahleli kuvakele isimbonono sesikhalo sokungaxhaswa kwalamaphephandaba ngurhulumente. Le ntlanganiso ebibanjelwe kumzi wakwa Daily Dispatch eBeacon Bay eMonti ivulwe ngomyalezo okhuthazayo osuka kuAnetta Mangxaba ongusihlalo we-AIP (Association of Independent Publishers ) kuzwelonke. Le ntlanganiso ibizinyaswe nabubukho bosekela mlawuli kwa-GCIS ephondweni uKgomotso Lebenya, UGqirha Kate Skinner ongumlawuli we-AIP kuzwelonke uthe le ntlanganiso ilungiselela intlanganiso wonyaka (AGM) ezobanjwa ngobuchwephesha bezonxibelelwano (Webinnar) kuba le ntlangano yabapapashi ayinamali yokusingatha intlanganiso.

Abahleli bavakalise ukungaxhaswa ngurhulumente kwicala lokufaka iintengiso kodwa bayafuna ukuba amanqaku abo avele kulamaphephandaba. Abasebenzi beDaily Dispatch baye baxhobisa abahleli ngeendlela zokukhulisa amashishini abo ngokuthi basebenzi ezinye iindlela zalemihla ukuze bafumane inkxaso kurhulumente. Abona masipala bahamba phambili ekunyevuleleni la maphephandaba sisithili sase-O.R Tambo nomasipala wasekuhlaleni waseKing Sabata Dalindyebo. Esi simbonono sivele kuMonwabisi Khininda we-Ikhwezi News, Simbongile Mdledle we-Eastern Cape Voice noPamela Timakwe we-Eastern Cape Women’s Magazine.