UMasipala waseMnquma uzakwakha iofisi ezintsha zikamasipala

UMasipala waseMnquma eGcuwa ubukele bucala imali engange R184 ukulungiselela ukwakha iofisi ezintsha zikamasipala.

UMnquma unee ofisi ezikwindawo ezahlukeneyo kwidolophu yaseGcuwa lonto ibangela uluntu lubenako usokola xa lifuna iinkonzo ezise ziofisini zomasipala.

Kwiizakhiwo zika masipala kukho esiphezulu eGcuwa edolophini ngakwisikhululo sesozosasazo iKhanya Community Radio, kuphinde kubekhona esingakwiholo edolophini logama esinye siphezulu ngaseButterworth Hospital.

Kungokunje uMnquma ufuna zibekwindawo enye ezi ofisi ngokuthi wakhe isakhiwo esikhulu phezulu ngaseKhanya Community Radio.

Esi sakhiwo sizakutya umhlaba obheka ngaCawa iButterworth Christian Centre kwaye kwesi sakhiwo kuzobakhona neendawo apho kuzo banjelwa khona iintlanganiso zeebhunga.

Usodolophu waseMnquma, uTunyiswa Manxila-Nkamisa uthe injongo zokwakha esi sikhiwo sizakuba neofisi kungokuba bephucula isakhiwo sika masipala.

Manxila-Nkamisa uthe bafuna nokubambela intlanganiso kwisakhiwo sabo bengumasipala bayeke ubambela intlanganiso zebhunga kwiholo yaseMsobomvu engaphandle kwidolophu yaseGcuwa.

Uqhube wathi amashishini amancinane ayi50 azakuxhamla xa kusakhiwa ezi ofisi zika masipala.

Umsebenzi kulindeleke ukuba uthathe iminyaka emibini ukuze ugqitywe ulwenziwakwaye uluntu lwaseMnquma lizokuxhamla kumathuba weengqesho azokuvela.

ITranstruct yinkampani echongiweyo ukuba yenze umsebenzi.

UManxila-Nkamisa uvalelise ngelithi ukwakhiwa kwesi sikhiwo sika masipala sitsha kuphunyezwe ngabahlali baseMnquma abazibhatala kakuhle irhafu zeenkonzo zika masipala.

Abahlali baseMnquma noosomashishini bazomkele ngezandla ezishushu ezindaba kwaye bayavuyela nalento kuzovela amathuba weengqesho ekuhlaleni.

Bakwathi nabatyhali zimali bazakutsaleka lula xa umasipala enesakhiwo esikumngangatho ophezulu.