Uzakunqandwa zinkwenkwezi uZwane
31 EyeDwarha 2023 – Yonela Mpaka
NGCOBO
Intwazana eselula uZwane Siphelele nofunda kwisikolo samabanga aphakamileyo iPhakamani eNgcobo uyaligqamisa igama lesikolo sakhe. USiphelele uthe waphumelela kukhuphiswano ebelubanjiwe nabebexoxa ngengxaki eziyimicelimngeni kwizikolo zabo noluqale kwalapha edolophini eNgcobo lwadlulela ukuyoma eMtata nefike lentwazana yaphumelela nakhona.
Ukuphumelela loka Zwane ehamba ezizigaba ibeyinto kuye emvuyise kakhulu nanjengoko ibikokokuqala ephuma ukuyomela isikolo sakhe. Lona ngumfundi owenza ibanga lethoba nozihlalela nomakhulu wakhe eGoso. Lo mfundi uthe wacongwa ngutitshalakazi wakhe kuba eclasini ebezithemba xa esenza into ,nathi uzive ewongekile xa sonke isikolo sikhomba kuye ngemisebenzi emihle.
“Ndonwabe kakhulu kuba lendlela ndisazimisele ukuyihamba kuba bendiqala nokukhe ndiphume kuba ithuba elinje zange ndalifumana ,ukuphumelela amatyeli elandelelana kundenze ndaziva ndingafuna ukujika kulendlela, ndihlala nomakhulu wam oloko ethe gqolo ukundixelela ngokubaluleka kwemfundo andifunj ukumphoxa ndizimisele ukubayilento ndifuna ukubayiyo,“ utshilo uZwane.
Ongutitshalakazi wakhe uNondwe Xuma uthi ukuqala kwakhe ukubona isakhono kulomfundi kungoko bebesenza ingxoxo eclasini,uthi umnike ithuba lokuba azibonakalise ngesisakhono anaso.” Ndonwabe kakhulu xa lomfundi esenza kakuhle kangaka kolukhuphiswano luqhubayo sijonge ukuba ayosimela ePhondweni kuba indlela aqhuba ngayo inika ithemba elikhulu, sifuna ukhuthaza nabanye abafundi ukuba bazimisele xa kuthwe mabebze into ingakumbb eyesikolo, sibulela nakumakhulu wakhe omkhululeyo ukuba akwazi ukuhamba zonke ezindawo,“ utshilo uXuma. Isikolo sonke simnqwenelele okuhle uSiphelele kwindlela yakhe eya ePhondweni.
