Kukhangelwa odlwengule waphanga inkondekazi

February 16, 202511 months Dizindaba 233 Views

13 EyoMbumba (Feb) 2025 – 26 EyoMbumba (Feb) 2025

Intatheli: Monwabisi Khininda

Amapolisa aphica umrhanelwa odlwengule waze waphanga inkondekazi eneminyaka engamashumi asixhenxe anesihlanu ubudala kwilali iMdletyeni eTsomo eMpuma Kapa. Ngokwengxelo yamapolisa esi siganeko senzeke ngoLwesihlanu, weveki ephelileyo,ngesithuba sentsimbi yesithoba ebusuku.

Isithethi samapolisa uCaptain Namhla Mdleleni uthi kutyholwa ukuba ixhoba belilele lodwa ekhayeni lalo ngethuba indoda engaziwayo ebizibhongxe ngebharaklava ingena ngenkani endlini. Kuvakala ukuba lo nqalintloko uxhaphaze le nkondekazi ngokwesondo ngaphambi kokuyiphanga isixa mali esingachazwanga. Kuvulwe ityala lokudlwengula ngamagosa akwantsasana.

Kwinzame zokukhusela uluntu kuziswe nobulungisa kwixhoba,amapolisa abongoza uluntu olungenankcukacha ezingancedisa kubanjwe umrhanelwa kucelwa aqhakamshelane nesikhululo samapolisa saseTsomo ku-0824992591 okanye kuCrime Stop ku-0860010111