IQina United igxeleshe ukupinda iphumelele indebe kaSodolophu waseMnquma

Umasipala waseMnquma eGcuwa ukwiphulo lokuncedisa ulutsha ngeezixhobo zokudlala imidlalo entlobo-ntlobo ingakumbi kwindawo ezisemaphandleni.

 

Kwiveki ephelileyo umasipala ubhengeze ukuba uza kusindleka indebe kasodolophu, imayors cup kwibala iMasibambane sport field eNgqamkhwe ngalo mgqibelo siya kuye.

 

Onke amaqela waseMnquma kwindawo ezahlukeneyo aye amenywa ukuba aze azokuthatha inxaxheba kulo tumente kulindeleke ukuba iqulathe imidlalo entlobo-ntlobo.

 

Ibhola yombhoxo nebhola ekhatywayo, amantombazana needyogwana ezineminyaka engaphantsi kweshumi elinethoba (U/19s) azakufumana ithuba lokuphisana kule midlalo.

 

Ukanti amanye amaqela wamantombazana azokhuphisana kwimidlalo yebhola yomnyazi (netball).

 

Lo gama abanye abantu bezakunikwa ithuba lokuba bakhuphisane kwicala leembaleki (athletics) xa kuqhuba indebe kasodolophu ngale mpela veki.

 

Rhoqo xa kusindlekwa imidlalo yendebe kasodolophu amaqela aye afikele kula midlalo iphambi kweyamanqam (semifinals) aye afumane amabhaso xa kunikwa lawo aphume phambili kumacandelo onke.

 

Kunyaka ophelileyo kule ndebe amaqela ebephiwa iibhola, iikiti, iibhagi, izixhobo zokuziqeqesha nezinye izinto zemidlalo ngenjongo zokuba nogalelo kuphuhliso lwemidlalo ingakumbi ezilalini.

 

Nakule itumente ingale mpela veki kulindeleke ukuba amaqela axhamle njenge siqhelo kuba umasipala wazibophelela kwinto ethi ufuna ususa ulutsha kwiziyobisi notywala kwaye alukhuthaze kwimidlalo.

 

Kangangokuba sithetha nje ibala ibala iMsobomvu sport grounds lihlaziywa ukuba libekumngangatho ophezulu ukuze neThunderbirds Ladies yaseGcuwa edlala kwiHollywoodbets Super league izokutsho ikwazi ukudlalela imidlalo yayo yasekhaya kweli bala iyeke usebenzisa iSisa Dukashe eseMdantsane.

 

Usodolophu uTunyiswa Manxila-Nkamisa uye ekunye nabanye ooceba bazakuba yinxalenye yalo msitho kwaye bazakuthetha nabantwana ubakhuthaza emidlalweni entlobo-ntlobo.

 

IQina United yakuCentane ezintshatsheli zale tumente kwicala lebhola ekhatywayo kulindeleke ibekhona kule tumente uzokhusela isicoco sayo esiwine kunyaka ophelileyo.