Imililo yonakalise izibhedlele ezibini ephondweni
29 EyeThupha (Aug) 2024 – 11 EyoMsintsi (Sept) 2024
Monwabisi Khininda
Amadangatye omlilo ekukrokrelwa ukuba yimililo yamadlelo itshabalalise izakhiwo ezibini nempahla zabasebenzi kwizibhedlele zephondo leMpuma Kapa ngoMgqibelo weveki esisuka kuyo.
Kwisibhedlele iHolly Cross eFlagstaff umlilo utshabalalise izindlu zethutyana ezilishumi ubuncinane zindlu ezo bezisebenza ukuhlalisa abasebenzi. Ngokwengxelo yesebe lezeMpilo ngamashumi amane abasebenzi abebehlala kwezi zindlu zethutyana ezithe zatsha zaphela.
Isithethi soMphathiswa wesebe lezeMpilo uMkhululi Ndamase uthi ukutsha kwezi zindlu kushiye abasebenzi bembanguza bengenampahla kodwa akukho mntu uthe wonzakala. “Isebe lenza amalungiselelo okunceda abasebenzi abachapahazelekileyo logama abanye bezokhululwa baye emakhayeni wabo,” kubalisa uNdamase.
Ukanti neziko leMpilo laseDutywa lithe lachaphazeleka ngethuba umlilo utshabalalise indlu ebizwa Incinerator room. Lo mlilo kudizwe ukuba uqale ngaphandle kweliziko ngaphambi kokungena ngaphakathi kwisthuba sika-10.30.Nalapho akukho mntu uthe walimala. Izigulane ebezikhona ngethuba uqala lo mlilo zithuthelwe kwisibhedlele saseGcuwa nangona eli ziko lishiyeke livuliwe lisasebenza.
UMphathiswa welisebe uNtandokazi Capa uthi uchulumancile kungekho mntu uthe walahlekelwa bubomi bakhe.UCapa kulindeleke atyelele omabini lamaziko kungekudala.