BusinessLocalMedia AffairsNews

ISIXEKO SIBHIYOZELA IMINYAKA ENGAMA-30 YESIKHULULO SEBUSH RADIO

4 months Anetta Mangxaba 126 Views
Lerato Mashile, Mitchum George, Maria Leonard (Bush Radio Manager), Alderman Theresa Uys, Nosipho Daniels (Bush Radio ilungu lebhodi), Shabnum Alie noMkhuseli Veto

Ntshona Koloni – IsiXeko saseKapa sizibandakanye ekubhiyozeleni isiganeko esibalulekileyo somnye wabona basasazi basekuhlaleni beMother City njengoko iBush Radio ibiphawula iminyaka engama-30 yasekwayo ngoLwesihlanu, umhla wesi-8 kweyeThupha yowama-2025.

Omele uSodolophu oLawulayo uGeordin Hill-Lewis, iLungu leKomiti kaSodolophu yesiXeko kwiiNkonzo eziManyanisiweyo, u-Alderman Theresa Uys, uzimase isidlo sangokuhlwa kwiHolo yoLonwabo yaseNico Malan eObservatory.

IBush Radio, edla ngokubizwa “njengokubetha kwentliziyo yaseKapa”, sesinye sezikhululo zikanomathotholo ezindala zaseKapa. Ukususela ekusekweni kwayo, ibonelele ngeqonga elibalulekileyo leendaba, inkcubeko, kunye nengxoxo, ebonisa amazwi awohlukeneyo oluntu kwidolophu iphela.

Kwintetho yakhe kubasebenzi bakaBush Radio kunye neendwendwe ezimenyiweyo, uAlderman Uys ukuqhwabele izandla ukuzibophelela kwesi sikhululo ekubaliseni amabali okuyinyani kunye nokuzibandakanya noluntu.

“I-Bush Radio idlale indima engenakuphikiswa kwimbali yaseKapa. Yazisa, yakhuthaza, yaza yamanya uluntu, ngelixa ilwela amazwi abo basoloko bengaviwa. IsiXeko sinebhongo ngokuba sihambe kunye nawe olu hambo, kwaye sijonge phambili kwiminyaka emininzi yentsebenziswano,” utshilo.

Alderman Theresa Uys, Gabriel Urgoiti (UMseki Bush Radio), Maria Leonard, Lumko Mtimde, Katja Lanz kunye Hajo Lanz.

Ukutyhubela iminyaka, iBush Radio ibiyindawo yokuphehlelelwa kubasebenzi abaninzi beendaba, ngelixa ikwasebenza njengendawo yoqeqesho lwabasasazi abanomdla. Isikhululo siye sakugcina ukubaluleka kwaso ngokuziqhelanisa nokutshintsha kwamaxesha ngelixa sihlala sinyanisekile kwi-ethos yaso esezantsi.

Urhatya ludibanise abasebenzi abakhoyo ngoku, abo babesakuba negalelo, abaseki, kunye namahlakani ukuze babhiyozele amashumi amathathu eminyaka yokuzinikela kusasazo loluntu. Le minyhadala ikwanika imbeko kubaseki besi sikhululo kunye nababoneleli beso sikhululo abathi, ekuqaleni kweminyaka yoo-1990, baxhasa umbono weqonga lamazwi asekuhlaleni kwakudala phambi kokuba unomathotholo wasekuhlaleni wamkelwa ngokubanzi eMzantsi Afrika.