Ziyapheliswa izazisi eziluhlobo lwencwadi

Intatheli: Monwabisi Khininda

Mzantsi Afrika: Isebe leMicimbi yeZekhaya (Home Affairs) lilungiselela ukuphelisa ukusetyenziswa kwesazisi esiluhlobo lwencwadi ngonyaka ka-2029. Oku kubhengezwe nguMphathiswa wesebe leZekhaya uLeon Schreider eGoli ngoLwesithathu weveki ephelileyo. Uthi lixesha lokuba kusetyenziswe isazisi esiluhlobo lwekhadi (smart card) ngenxa yobuqhophololo obenzeka lula kwisazisi esiyincwadi.

UMphathiswa uthe isebe leZekhaya lizakuyeka ukuvelisa izazisi eziyincwadi ekupheleni kwalonyaka kodwa amasebe angenabo ubuchwepheshe bokuvelisa iSmart Card azoqhuba nazo.Ngokwengxelo ukusukela ngomnyaka wama-2013 isebe sele likhuphe izazisi ezitsha eziluhlobo lwesmart card eziqikelwa kwi-30 yezigidi.