UKumkani Zwelibanzi utyelele kwaSirayeli

Monwabisi Khininda | Mzantsi Afrika

UKumkani Buyelekhaya Zwelibanzi Dalindyebo wabaThembu wamkelwe nguMphathiswa wesebe leZangaphandle kutyelelo lwaseburhulumenteni kwilizwe lakwaSirayeli. Olutyelele injongo zalo kukuqinisa amakhonco entsebenziswano phakathi kwenkokheli zemveli kwaSirayeli naseMzantsi Afrika. Olutyelele lufumanae ukugxekwa ngosopolitiki ngenxa yohlaselo oluqhutywa nguSirayeli eGaza nto leyo eyabangela ukuba uMzantsi Afrika umangalele uSirayeli kwiInternational Court

UMphathiswa uphawule ngembali yamaJuda awayephila kanzima kwiminyaka ehlala elubhacweni.Uphinde wacacisa ukuba igama elithi “Zionism” athe iingcambu zeligama zisebhayibhileni zichaza ngokubuyela kwamaJuda eJerusalem engumhlaba wokhokho bawo. UMphathiswa ubulele iFriends Of Zion Museum ngokusingatha inxalenye yolutyelelo wabulela noPastor Mike Evans ngenkxaso yakhe.Ukhumbule intlanganiso yakhe noKumkani eMpuma Kapa kulapho iKumkani yamkela isimemo sokuyobona kwaSirayeli. “Emva kwenyanga ezintathu naku sikwilizwe lakwaSirayeli”utsho uMphathiswa.

UMphathiswa ukhuthaze uKumkani ukuba axoxe ngokukhululekileyo ngethuba lotyelelo. “Ungabuza nawuphi umbuzo,ungadinga ingcangciso nangantoni nakubani othethayo,”kutsho uMphathiswa osengeza ngelithi banomdla wokuba uKumkani azuze lonke ulwazi ngelizwe lakwaSirayeli.