Lixhasiwe usapho olungathathintweni
02 September 2026 | Yonela Mpaka | Ngcobo
Abahlali belali yaku Mbhekeni eNgcobo bathe batyelela kusapho lakwa Majangaza ukuyonikela ngokutya bacoca nekhaya. Elikhaya lichongwe ngabahlali ukuyoxhasa umama wakhona ngenxa yesimo aphila phantsi kwaso sokungathathintweni.
Abahlali baye bakhethe umzi, ingakumbi leyo ihlala omama kungasekho mntu ungutata, nemeko yakhona inzima kungekho mntu ubeka kutya etafileni. Olusapho lakwaMajangaza luthe lacocelwa indlu ebisele yophukelwe nazifestile. Inkosi abahlali kwakunye nobhodi belali bathe babetha kubo ezimpokothweni baluxhasa olusapho.Inkosi zithe gqolo ukuwuqhuba lombono wokunceda kwabo basweleyo.
U- Nkosi uJongisizwe Xhathi uvakalise ukuba babone ukuba bayonikela kwelikhaya kuba ngumzi ongenanto, kwaye uthi bakwenza minyaka le oku bencedisa amakhaya angathathintweni, bebambisene no wadi komiti, Bhodi kwakunye nabanye abantu.
Ongumama kwelikhaya uNomeva Majangaza ebengawuvali umlomo evuyela ukuba indlala izakukhe isuke okwentsuku ezithile, esithi kwikhaya eli kunzima kodwa bayancedwa ngabantu. Abo banikeleyo kunyaka ozayo bazakuthi bajonge kwakhona Ikhaya abanokulinceda.
