I-NMM ibhiyozela usuku lwamanina

Yintatheli yeKhwezi 

I-Nelson Mandela Museum ibiyozela usuku lwamanina ngobugorha,ukunyamezela nokuzingisa ngegalelo lawo ngokuguqula imbali nekamva leli lizwe. “Kweli ziko iNelson Mandela Museum sikhumbula indlela uMadiba awayewahlonipha ngayo amanina,ubunkokheli bamanina nendima awayidlalayo kumzabalazo wenkululeko yeli lizwe,engayilibalanga indima edlalwa ngamanina ekwakhiweni koluntu nokunika ithemba kwisizukulwana esizayo,”la ngamazwi kaNontlahla Tandwa-Dalindyebo oNgumlawuli kwiNelson Mandela Museum eMthatha.

UTandwa-Dalindyebo uthi ukusukela kumanina awenza umngcelele eqhankqalazela umthetho wamapasi ngomnyaka we-1956 nemisebenzi yobugorha ayenza umhla nezolo emakhayeni nasemisebenzini bawothulela umnqwazi. “Singamanina siphakamisa ilifa lamanina awasilwelayo,thina okwethu kukuvula iingcango silungiselela izizukulwana ezizayo.Ilizwi lakho libalulekile,ubunkokheli bakho bubalulekile nawe ubalulekile.Qina mbokodo yezwe lakowethu,”kutsho uTandwa-Dalindyebo.

INelson Mandela izakube ithabatha inxaxheba kwimibhiyozo kazwelonke ezakubanjelwa eLimpompo phantsi komxholo othi “Sihlumisa uqoqosho kumntu wonke”.