Baxhaswe ngu Telkom kwiskolo sase Ngcobo 

Edition: 26 March 2026 – 15 April 2026

Intatheli: Yonela Mpaka | Ngcobo

U-Mphathiswa weSebe lezeMfundo uFundile Gade ebambisene no Telkom kwakunye nomasipala I Dr Ab Xuma batyelele kwisikolo sase Sthoza eNgcobo beyonikeza ngegumbi eline computer (Computer Lab ). Olubambiswano lwenziwe phantsi  kokuphucula umgangatho wesisikolo. Isikolo esi samabanga aphezulu sithe savulwa ngokusesikweni kwinyanga esizishiya ngasemva. Esisikolo sithe sanendyweba yokwakhela nanjengoko besikwimeko embi.

Inqununu yesikolo uMnu Dyalivani  Sthembele ukuvuyele kakhulu ukuphucula kwesikolo sakhe esithi ezi Laptop zakubancedisa   abafundi ukuze bawenze lula umsebenzi wesikolo ingakumbi abo bangene kwicala lakwa Coding and Robotics. Icandelo lakwa Telkom lithe gqolo ukuncedisana nezikolo nekulindeleke liphinde liyonikeza ngezinye computer kwezinye zesikolo ezime kwalapha eNgcobo. Umasipala kwakunye namanye amasebe karhulumente akuvuyele ukubona siphuculwa isikolo esi nanjegoko abafundi bakhona bebepase kakuhle abo benza ibanga leshumi elinesibini.

Umphathiswa wezemfundo uFundile Gade ulivulile eligumbi linobuxhakaxhaka  engawuvali umlomo yinxaso eyenziwe ngu Telkom  enqonqozisa abafundi ukuba benze umsebenzi wesikolo baziphucule ngokunokwabo kuba ngoku yonke into idinga imfundo. Abafundi sele bemfumene nomntu oyakuthi abaqeqeshe ukufunda ngobuchwepheshe.