Baziva bengonwabanga abaqhuba amashishini eNgcobo
Umphathiswa wesebe Lezophuhliso loluntu Obekekileyo uBukiwe Fanta ebetyelele eGubenxa kwikhaya lexhoba uNosivuyise Fihla nelithe ladutyulwa kwi container ebeliphekela kuyo edolophin eNgcobo. Imeko emasikizi kwikhaya losisi ebezamela ukuba abantwana bakhe balale betyile.Usisi uthe wadutyulelwa kanye kwindawo le emini ilanga lithe nka.Umphathiswa uFanta uzikhalimele iziganeko ezikumila kunje esithi izinto ezenzeka eNgcobo ziyakhwanqisa.Bekungentsuku zatywala umfana obexelenga kwisibhedlele sase Allsaints ethe wabulawa ngokumasikizi yintombi ebencuma nayo.Esi sesinye izithwakumbe athe uMphathiswa u Fanta wazikhuza kanobom.Onontlalontle bebeyinxalenye yotyelelo luka Mphathiswa ukuyothambisa intliziyo zezihlobo nezalamane.Umasipala wase Dr Ab Xuma wothuke kakhulu sesisenzo kuba usisi lona icontainer le ibime phambi kwamasango akwamasipala.USodolophu womasipala uZangqa Siyabulela uzikhalimele iziganeko ezinje esithi noko abantu mabakhe babuye ngeneno ,udlame lwehle ebantwini,sithi ngxa kusapho nezalamane.Ityala livuliwe emapoliseni ukukhangela onqevu abathe baphalaza eligazi.
