Kutshabe abantu abahlanu kwingozi yendlela 

Edition: 12 March 2026 – 25 March 2026

Intatheli: Monwabisi Khininda | Gompo

Ingozi emasikizi yokuntlithana kwebhasi nemoto encinci elushobo lweVW Polo isube imiphefumlo yabantu abahlanu kwindlela u-N6 phakathi kwakwaGompo neCumakala (Stutterheim) kubusuku bangeCawa. Le kuvakala ukuba ibikhwelise abantu abakumashumi amathandathu abangabemi belizwe laseZimbabwe. Imoto ebisingise ngakuGompo ibikhwelise abantu abahlanu ngomqhubi iye yavaleleka ngaphantsi kwebhasi kusetyenziswe ubuxhakaxhaka be-jaws of life ukukhupha leyo mizimba.

Abantu abakumashumi amathandathu abonzakeleyo baye babalekiselwa esibhedlele.Amapolisa avule ityala lokuqhuba isithethi ngokungenankathalo nokubulala ngengozi. Nophando lusaqhubeka. UXolile Nqatha onguMphathiswa wesebe lezoThutho eMpuma Kapa ugqithise amazwi ovelwano kwiintsapho zamaxhoba.Uye wanqwenelela abo bonzakeleyo ukuchacha okukhawulezileyo. Uphethe ngokubongoza abaqhubi ukuba bathobele imithetho yezendlela.