USASSA UZAMA UKUFIKELA KWIINDAWO ZONKE

Edition: 30 April 2026 – 13 May 2026  Intatheli: Monwabisi Khininda | Mpuma Kapa

USASSA oyiarhente ekhupha izibonelelo zoluntu kwiphondo leMpuma Kapa ibambisene nesebe lezoPhuhliso lwezeNtlalo idlulise ngooracza beenqwelomafutha ezingamashumi amne anesibhozo (48) kunye namacwecwe ekhompyutha eziphathwayo ezingama-962.

Olunikezelo luqhutywe kuNdlunkulu kaSASSA kwisixeko sakuGompo kwiveki ephelileyo. Ethetha ngexesha lonikezelo iNgqonyela yakwa-SASSA uBandile Maqethuka ugxininise ukuba olunikezelo lelokuphucula izinga lokusebenza kukarhulumente kwakunye nokusondeza iinkonzo eluntwini.

Ukanti uMphathiswa wesebe lePhuhliso  lweZentlalo ephondweni uBukiwe Fanta uyothulele umnqwazi le arhente esithi ezinqwelo-mafutha ziinyawo zabasebenzi ukuba base iinonzo eluntwini ngokungxamisekileyo.