UMabuyane uyazikhanyela izityholo zobuqhophololo
25 May 2023 – Monwabisi Khininda
EMpuma Koloni
INkulumbuso yephondo leMpuma Kapa uOscar Mabuyane uyaziphika iingxelo zokuba wabhalisela izifundo zemfundo enomsila kwiDyunivesithi yakwaNokholeji ngomgunyathi. Iingxelo zophando zithi uMabuyane ukwenze oku ngoncedo lukaNjingalwazi uEdwin Ijeoma negqiza elibendakanyekayo koku. Bambi kubo banikwa uphumaphele kwelaziko mfundo.
Imibutho yezopolitiko efana ne-DA, EFF, ActionSA imemelela ukuba uMabuyane alahle esikhundleni ngenxa yoku.Le mibutho ithi iphondo leMpuma Kapa lineqondo eliphezulu lentswelangqesho kwaye alide liphuhle ke ngoku alinakukhokhelwa nguMabuyane obhont-bhonte lurhwaphilizo. UMabuyane uthi oku kumbeka ichaphaza elibi kwaye akazulahla esikhundleni sakhe njengeNkulumbuso.