INelson Mandela Museum kwintsebenziswano namaJamani

OyiNgqonyela yeNelson Mandela Museum uGqirha Vuyani Booi uqinisekisile ukuba amaqhina obudlelwano norhulumente waseJamani buliqilima. Oku ukuthethe ngethuba kuhlonitshwa kukwakhunjulwa iminyaka elishumi waswelekayo uNelson Mandela owaba nguMongameli wokuqala woMzantsi Afrika okhululekileyo. UGqirha Booi uthe bakwiphulo lokomeleza obu budlelwane kutsho kuqwalaselwe neenkqubo zophuhliso ekunokubanjiswana kuzo. UBooi ucacise ngelithi iNelson Mandela Museum ibamba iindibano zeInternational Youth Camp kwilizwe laseJamani. UGqirha Booi uthe le nqulerhu uyiqale ngentsebenziswano nendlu yozakuzo yaseJamani kweli loMzantsi Afrika ngenjongo zokwabelana nehlabathi ngemisebenzi nembali kaGqirha Nelson Mandela.

Ukwathe le nkqubo ijolise ekuxeleleni ihlabathi ngemigudu neempumelelo kwimisebenzi yakhe ayenzele ihlabathi. UGqirha Booi uyibethelele eyokuba le ntsebenziswa izakuncedisa iMuseum kwezinye zeprojekthi ezizakusungulwa ngokubambisana namaJamani ukuze kugcinakale imbali kaMandela. Ukwathe ujonge ukuba abasebenzi abakwizikhundla zolawulo bangayofumana uqeqesho kwilizwe laseJamani. UAndreas Perschke onguNozakuzaku waseJamani kweli lomdibaniso bayile eMvezo, eMqhekezweni eQunu Museum  ezizindawo zembali kaMandela. “Sisaqwalasela indlela esinokusebenzisana ngayo namaziko embali kaMandela ukuze sifake isandla apho kudingeka khona,” kutsho uPerschke.