Kubanjwe oonogada bekhansela laseMhlontlo

30 kuCanzibe 2024 – Monwabisi Khininda

Kubanjwe oonogada ababini begosa lo masipala waseMhlontlo kulandela ukufunyanwa nemipu neembumbulu ngokungetho mthethweni. Kwiphulo lamapolisa eliqhutywe ngoLwesihlanu, amapolisa athimbe imipu emibini, inombolo zayo zikhuhliwe, neembumbulu.

Ngokutsho kwamapolisa amise isithuthi sabucala somsebenzi waseMhlontlo ehamba nonoogada ababini kuhola wendlela u-N2 phakathi koQumbu noMthatha. UWarrant Officer Majola Nkohli uthi kwisithuba sentsimbi yesithathu emva kwemini amapolisa ecandelo iMthatha Tactical Response Team aqhube iphulo lawo emva kokufumana iinkcukacha ngesithuthi esiluhlobo lweMercedes Benz.

Kwimizuzu embalwa isithuthi ebesichaziwe sikrokreleka kananjalo sigalelekile sinabantu abathathu kwindlela u-N 2 semiswa sakhutshelwa bucala endleleni. Amapolisa aqhube ugqogqo aze afumana le mipu kubarhanelwa.

Abahlohle ngemibuzo kuquka nenina ebelikhwele nabarhanelwa ekukholelwa ukuba ngumsebenzi womasipala waseMhlontlo. Uchaze ukuba lamadoda ngenene ngoonogada bakhe. Eli nina lihlohlwe ngemibuza laze lakhululwa.

Abarhanelwa baphakathi kweminyaka ekuma-30 ukuya kuma-33 ubudala.Kulindeleke bavele enkundleni yamatyala kuTsolo kule veki bejamelana nezityholo zokufunyanwa nemipu neembumbulu ngokungekho mthethweni.