Ayancediswa amafama avelisa uboya
29 EyeThupha (Aug) 2024 – 11 EyoMsintsi (Sept) 2024
Yonela Mpaka
Amafama omasipala i-Dr AB Xuma athe axhotyiswa banzi ngendlela zokugcina uboya busemgangathweni. Oku kuqhube emva kokuba umasipala lona ethe gqolo ukunikeza lamafama igusha zoboya. Uphuhliso ngoboya kokona kubekwa phambili ngamafama. Izigidi zerandi ziyafunyanwa ngamafama ase Ngcobo afuye igusha zoboya. Amafama ase Ngcobo akhuthazwa mihlale ukuba ayeke ukuphisa ngoboya kwimoto ezihamba zizula abuse ngqo kwindawo yoboya.
Ongumfama onegusha ezivelisa uboya utata uThandile Mgwala uthi kuyabancedisa kakhulu ukumane beboniswa ngendlela zokwenza uboya kuba bona yeyona golide yabo ezilalini kuba imisebenzi inqabile, uthi bayakhuthaza umasipala namasebe ajongene noko asoloko ebanika imfundiso kuba ziyabanceda, uthi banazo ishedi zokuchebela igusha iseb kakhulu lonto ibenza bazibone bebheka phambili.Abafuyi begusha zoboya banawo nombutho abathi bawuseka ukuqinisekisa ukuba wonke umfama wegusha yoboya uyaxhamla ngcono.
Osisabhokwe kumasipala iDr AB Xuma umama uNobuntu Mgidi ukhuthaze onke amafama ukuba abeyinxalenye yoqeqesho olumane lusenziwa ukuze bakwazi ukubheka phambili. “Sikhuathaza nabantu abangomama ukuba bangene kwizinto zobufama ukuze bazoyeka ukuxhomekeka kwabanye abantu ingakumbi kotata, sithi komama nabo bangazibona benefama bexhaswa ngurhulumente, sicela nabo bathe gqolo ukuthatha imfuyo yabantu bakuyeke oku kuba imisebenzi ayikho abantu abadala sele bephila kukufuya “ utshilo umama uMgidi.Minyaka le igusha zoboya ziyakhutshwa ngumasipala ukunyusa noqoqosho lwedolophu le.
