Kuthiwa zimbi iindaba ngokonyuswa kombane
12 EyoMsintsi (Sept) 2024 – 25 EyoMsintsi (Sept) 2024
Intatheli kaDizindaba
Kugos’ okophukayo ngamaxabiso ombane ekuvakala okokuba azakunyuka ngomyinge we 40% ntoleyo abasemfuthweni wolwazi bathi izakuba negalelo elingelihle kwabo bangena ngeniso ibonakalayo. Oku kwenzeke emveni kokuba ingangalala kulawulo lombane uNERSA eye wamvumela uESKOM okokuba angawanyusa amaxabiso ombane. Oku kubonakala kungamphathanga kakuhle uMphathiswa wezombane umnumzana Kgosientsho Ramakgopa.
Abasemfuthweni wolwazi bathi uMphathiswa uRamokgopa ubonakala engonwabanga empefumlweni kuba esoyikisela okokuba lo “Funqu” kumaxabiso ombane unyaka unganegalelo elinelihle kwabo basokolayo. Kwelinye icala abo masipala bangakhange babalulwe kwabo baqhube kakuhle kulawulo lwezimali mali nabo bavakalise okukhulu ukungonwabi kuba besoyikisela abo kakade bebengaqhubi kakhule kwii ntlawulo zabo zamatyala koo Masipala.
Abasemfuthweni wolwazi baphinde bavakalisa okokuba kukhona iindawo apho lo “Funqu” wombane angade angabi nagalelo lingako kuzo kuba kusithiwa ngoku ngeli xesha kuvela amathuba emisebenzi ingakumbi phaya ezifana nakwii fektri eveza ukutya okunkonxiweyo (canned food). Kuthiwa ezo ndawo zingazi kumva kangako lo “Funqu” zii ndawo zoo Paarl Worcester, Robertson nezinye phaya kwii Cape Winelands. Zona iilokishi zezi ndawo ngoo Zwelethemba, Mbekweni. Kodwa bona abanye bezi ndawo bavakalise okokuba oku kuqala kwexesha lesivuno kwezo fama akuzi kubanagalelo lingako kumathuba emisebenzi. Aba bakhalazi bavakalise okokuba uninzi lwezo zithuba zemisebenzi luza kuncithiswa kukuqeshwa okukhulu kwabemi bamazwe angaphandle.
Ukanti kusenjalo kuvakala okokuba phaya kwi lokishi yase Guguletu neyeyenye yee lokishi ezindala eKapa uninzi lwabahlali luvakalise okoku kukhona abantu abaye boyiswe kukuthenga umbane nje nge R50. Kuthiwa lo mhlola wokoyiswa kwaba bahlali belokishi edume ngoluhlobo kuphaya eSection 3 nendawo ezifana noBarcelona nase Nyanga. Abanye babahlali base Kapa nase Stellenbosch bavakalise umba ekuthiwa awukholeleki nalapho kuthiwa bagqwalisa uRhulumente kuba besithi lo mbane we R50 awude uyigqibe neveki. Niyabongozwa bahlali nithumele uLuvo Lwenu.
