UVukuzenzele uyaphila eNgcobo
12 kweyoMnga 2024 – 15 eyoMqungu 2025
Yonela Mpaka
Osomashishini abasakhulayo bomasipala iDr AB Xuma bathe baxhamla kwisibonelelo esithe sakhutshwa yi Siqalo Youth fund phantsi kwe ofisi yeNkulumbuso yePhondo Le Mpuma koloni. Abathe bafumana ifriji ezinkulu zokuqhuba amashishini ngabo babenze izicelo kwiSiqalo. Ukuxhaswa kosomashishini abasakhulayo yinto esele iqheleke kakhulu kubantu base Ngcobo nekuliwa intswelangqesho.
Ongusomashishini u Nonkosinathi Falanti nohlala kwindawo yase Msawawa eNgcobo ubenethamsanqa elikwabo bafumene ifriji nazakuthi aqiniseke ngokunceda abantu ukuze afumane imali. “Ndivuya kakhulu ndiziva ndonwabile emva kwemizamo engaka ndide ndabe ndiyaxhaswa, izicelo beziphuma ndifake kodwa ndakuva indaba zokuba ndiphumelele kubemnandi kuba andinanto ndinayo ngoku ndijonge ukulikhulisa kakhulu ishishini lam liye phambili, ndifuna nokhuthaza abo bangekaqali ukuba mabaqalise imali ikhangelwa ngenye imali ,” utshilo.
Umasipala naye udlale igalelo ekhuthaza nabantu abatsha ukuba bangatyhafi. Ongu Chief whip kumasipala uCllr Nobuntu Mgidi uthi banceda oqinisekileyo ukuba uyafuna uya phambili, uthi xa ufaka isicelo funeka uqinisekise ukuba uyasilandelela, bayakhuthaza ukuba abantu bangawayeki amathuba avelayo. Bangapha kwesihlanu abantu abathe baxhaswa phantsi kweSiqalo Youth Fund.
