Amapolisa aphisa ngemali ukuze abambe isidlwengu

February 16, 20251 year Dizindaba 281 Views

30 EyoMqungu (Jan) 2025 – 12 EyoMbumba (Feb) 2025

Intatheli: Monwabisi Khininda

Amapolisa aseMthatha anikezela ngebhaso lesizumbulu semali ekwi-R50,000 kumntu onokuncedisa ngeenkcukacha ezingakhokhelela ukuba kubanjwe kutshutshiswe ngempumelelo abarhanelwa abaphanga baze badlwengula abafundi abahlanu kwilali yaseKhonqeni eBityi eMthatha.Esi siganeko senzeke ngoOktobha kunyaka ophelileyo.

Ingxelo yesithethi samapolisa kummandla waseMthatha uCaptain Welile Matyolo idize ukuba ngomhla wamashumi amathathu kuOktobha kwisithuba sika-00.35 abafundi abasibhozo babelele kwindlu enguronta abagxamesa kuyo.

Abarhanelwa ababini abangaziwayo bangena ngenkani,babaphanga oonomyayi kamva badlwengula abafundi abahlanu kwisibhozo esasilapho. Nabani onganeenkcukacha ezingancedisa kuphando lwamapolisa uyacelwa aqhagamshelane nabaphandi u-D/Captain Nomanjila-0826975920/Sergeant Danisa-0713524727/ iofisi ku-047-5312135 kungenjalo Crime Stop Number 0860010111.