Icandelo: Ezakuthi iincwadi zesiXhosa

Ngu: Ntsikelelo Jonga

Izaci, amaqhalo nentlalo kaXhosa

Sijonge umahluko phakathi kwesaci neqhalo.

Yintoni isaci?

Isaci libinzana lentetho okanye isagwelo sokuthetha esithi sinike intsingiselo ethe gca esuka kwizinto ezicacileyo.
Sinokuba ngamagama mabini-mathathu okanye sisenokucacisa iinyaniso ezithile.

Iqhalo

Yintoni iqhalo?

Iqhalo sisivakalisi esifutshane esizele bubulumko. Sinenjongo yokubeka loo nto ichazwayo ngendlela ethile yobulumko eya kuthi into leyo izicacise ngokuthi gca, nawe ufumanise ukuba akukho ndlela yimbi egqitha le ibekwa ngayo intetho. Amaqhalo abubutyebi obufunyanwa kumadoda amakhulu. Anemfundiso nengqeqesho.

Xa sesinaba ngokuchaza iqhalo singathi le yintetha esetyenziswa kwaXhosa neyakhiwe kumava entlalo kaNtu.
Isetyenziswe njengesithethe, njengesiko.