Lizalisekile iphupha likaMikhulu
Intatheli: Monwabisi Khinindab|
Kutsha nje iphupha likaMikhulu Gijana (12) lokuphumelela isithsaba sokuba ngunobuhle ogwesileyo kweli loMzantsi Afrika. Oku ukwenze ngokuphumelela ukhuphiswano lukaMiss Golden Heart South Africa 2025 kumantombazanana akwi-Pre-Teen. Uye waphinda waphumelela wangoyena nobuhle ofumene iivoti ezininzi ezimenze waphumelela iPublic Choice kwakolu khuphiswano.
Olu khuphiswano belubanjelwe eMonti kwiveki ephelileyo.UMikhulu ohlala eNorth Crest eMthatha ngumfundi webakala leisthandathu eModel Private School. Ngoku ujonge ukungenela ukhuphiswano lwehlabathi kumantombazanana amancinci.Ngokwenza njalo uyakube unyathele ekhondweni lentandane nengumzekelo kuye uZozibini Tunzi.
UMikhulu akangoMiss Golden Heart South Africa nje oko ukuzalisekisa ngezenzo ezihle kuluntu olusweleyo. Emncinci enjalo selenikezele ngoomakufanwe ezikolweni, iincwadi, impahla yokunxiba nezinye izinto eziluncedo. “Ezona njongo zam ebomini kukukhuthaza oontanga bam ukuba basebenzele ukuphumeza amaphupha wabo. Ndifuna bazi ukuba eli liqonga elindifaneleyo kuba lindincedisa ekubeni ndibengumntu ozithembileyo nditsho ndikwazi ukuthetha esidlangalaleni,” kutsho uMikhulu.