Amapolisa anikwe izithuthi ezitsha 

Intatheli: Monwabisi Khininda | Gqeberha

Ibambela Mkomishinala wamapolisa eMpuma Kapa uMajor General Thandiswa Kupiso uphehlelele iphulo lokhuseleko ngelixesha lokuphela konyaka. Ukwanikezele ngezithuthi ezitsha ezilikhulu namashumi amabini anesithoba (129).

Lo msitho ububanjelwe eSummerstrand eGqeberha ngoLwesihlanu weveki ephelileyo. Ethetha kulo msitho uMajor General Thandiswa Kupiso uthe isicwangciso sabo siquka inkqubo yokulwa ulwaphulo mthetho efuna ukuzibophelela kwawo onke amagosa ajongene nokunyanzeliswa ukuthotyelwa komthetho.Iizithuthi ezinikezelwe emapoliseni ziza kohlulwa ngoluhlobo lulandelayo:

1. Alfred Nzo District-10

2.Amathole District -18

3.Buffalo City Metro District-19

4.Chris Hani District -15

5.Joe Gqabi District-9

6.Nelson Mandela Bay District-28

7.OR Tambo Distrcit-15

8.Sarah Bartman District -15

9.Provincial Head Office-2

INkulumbuso yephondo uOscar Mabuyane uthi ezi zithuthi ziza kuhamba indlela ende ukulwa imiceli mingeni yolwaphulo mthetho oluntlobo ntlobo oluquka ukuphangela kwezithuthi eziphatha imali nolunye kweli phondo. “Injongo zethu kukuqinisekisa ukuba abemi beliphondo bakhuselekile. Ukuziswa kwazo akuzuphucula nje ixesha lokufika kwangoko kwamapolisa kodwa kuzoqinisekisa ukuba amapolisa ayabonakala ingakumbi ngelixesha likaxakeka.”