Abalobi bazuze inkxaso kurhulumente 

Intatheli: Monwabisi Khininda | Mbizana

Kwiveki ephelileyo umasipala wasekuhlaleni iWinnie Madikizela Mandela ngokubambisana nowesithili iAlfred Nzo namagosa karhulumente unikezele inkxaso kubalobi. Lo msitho oxhamlise abalobi baseMbizana ubuqhutyelwa eSinawe Hotel kwawadi 7 eMbizana. Kwintetho yolwamkelo uKhansela T.D Mafumbatha ugxininise ukubaluleka kokuloba ngethuba echaza ukuba iMbizana inethamsanqa lokuba kufutshane nolwandle.

Amagosa karhulumente anikezele ngezixhobo zokuloba kokopolotyeni abangaba Mzamba Co-op, Malulwane Co-op neKing Clip Co-op. Abalobi bavakalise uvuyo nombulelo nethuba lokubuza imibuzo ngemingeni abajongene nayo. Amagosa karhulumente aphendule imibuzo aza anika ingcaciso nenkxaso efanelekileyo. Intlanganiso ibe yimpumelelo, yagxininisa ukubaluleka kokuxhobisana, ukufundisa nokuphuhlisa abalobi kwakunye nokukhusela ubutyebi obuselwandle.