Umasipala we Drakenstein wenze konke okusemandleni ukulungiselela ukwamkela iindwendwe kwimbizo kaMongameli ngempumelelo
29 June 2023 – Drakenstein Vars
Paarl
UMasipala we Drakenstein yindawo ekhethiweyo yokubambela Imbizo yesithandathu ye DDM (i-District Development Model – Umfuziselo woPhuhliso Lwesithili, ukutsho) kaMongameli ebanjelwe kwiNtshona-Koloni kule nyanga iphelileyo. Usebenza kunye noRhulumente kaZwelonke, uRhulemente we
Ntshona-Koloni, noogxa boMasipala weSithili se Cape Winelands, uMasipala we Drakenstein uyiphephezelisele phezulu iflegi yalo mandla waze wenza konke okusemandleni ukuqinisekisa ukuba uMongameli uCyril Ramaphosa kunye nahamba nabo abakumgangatho ophakamileyo bafumana impatho ekudidi oluphambili – ukususela ngala mzuzu bafike ngawo ukuya kulowo baphume ngawo kwimida yommandla womasipala.
Ukususela ekuqinisekiseni ukuba ibala lase Paarl i Dal Josaphat Athletics Stadium likwimo egqwesileyo njengeyona ndawo isetyenzisiweyo yokwamkela iindwendwe, ukuya ekuboniseni isiphiwo somtyityimbo i rieldans apha kule ngingqi, ukuya nasekuqinisekiseni ukuba izithuthi zihamba
zilandelelana ngokungenangxaki de sabe sihambile isithuthi sokugqibela, uMasipala weDrakenstein wenze ezibukwayo ukwamkela uMongameli nahamba nabo kubaphathiswa bakaZwelonke namanye amagosa aphezulu e Drakenstein.
“Singathi sizingce ngokwenene ngendlela wonke umntu aye wasebenza ngayo ukwenza utyelelo lukaMongameli lube sisiganeko esinempumelelo engaphaya – ngakumbi xa kujongwe imiba yokusebenza kwezinto nokuyondelelana kwamalungiselelo,” utshilo u Alderman Gert Combrink, Ongusodolophu wesigqeba obambeleyo woMasipala weDrakenstein. “Sifumene intswahla entle kakhulu kwiikona zonke zikaRhulumente, kwanakuluntu lwethu apha, ngendlela le Imbizo ibilungiselelwe ngayo. Umbulelo okhethekileyo nongazenzisiyo kuwo onke amagosa ethu namalungu oluntu lwalapha, abantu abaqinisekisileyo ukuba abahambi noMongameli bafumene ulwamkelo olufudumeleyo nobubele benene base Drakenstein.”
Malunga nabahlali abangama 4 000 abavela kwiidolophu ezikooMasipala abohlukileyo beCape Winelands municipalities – ukusuka eCeres, e Tulbagh, e Robertson, e Montagu, eWorcester, ukuya e Paarl nase Stellenbosch – baye balikhenketha ukuya kwibala i Dal Josaphat Athletics Stadium ngoLwesihlanu, umhla we 19 kuMeyi 2023, ukuphakamisa iinkxalabo zabo nokumamela uMongameli, abaphathiswa bakaZwelonke, neNkulumbuso
yeNtshona Koloni u Alan Winde.
Ukwenza iqonga liqaqambe kanobom, iiNederburg Vastrappers zase Nederburg Primary School e Paarl East babachukumisile abebehamba noMongameli ngendlela abebetyityimba ngayo besenza i rieldans beshukumisa unyawo. Zisekwe ngo 2018, iiNederburg Vastrappers ziqale ngeqela elinye. Oko kwangoko, sele zikhule kangangokuba ziquka amaqela amane athatha inxaxheba kukhuphiswano ukuze bafumane amava nokuba baphucule isakhono salo mdaniso wabo. Ngowe 14 kuMeyi 2023, baye babamba Umnyhadala wabo wokuqala noye wanempumelelo engummangaliso we Rieldans Festival, apho kuye kwathatha inxaxheba amaqela asibhozo. Ngowe 9 kuSeptemba 2023, baya kube bebambe umnyhadala wabo wesibini.
Utyelelo lukaMongameli ngoLwesihlanu, umhla we 19 kuMeyi 2023, luquke ukundwendwela Indawo Esaphuhlayo eyi Vlakkeland Catalytic Human Settlement Development Phakathi kwePaarl ne Wellington, olona phuhliso lukhulu lwezindlu zikawonke-wonke olwakhe lwenziwa phakathi kuMasipala we Drakenstein. Apha, uMongameli u Ramaphosa uye wanikela ngezitixo zendlu enamagumbi amabini okulala kumama ominyaka ingama 70 ubudala onguJohanna Buys, intombi ka Kathleen Gabriels osele wasandulela. UNksz Gabriels wafaka isicelo sokufumana indlu ngonyaka ka 2000,
kodwa ngelishwa walishiya eli ngowe 14 kuSeptemba 2022 phambi kokuba indlu yakhe entsha yakhiwe. UNkskz Buys uya kuhlala kule ndlu engu Erf 37530, eyakhiwa yakwazi ukubonelela abantu abahamba behleli esitulweni esinamavili, neqabane lakhe elihamba ngesitulo esinamavili, u Johannes Buys.
Phambi koku, kwangolu suku lunye, uMnu.Ebrahim Patel, uMphathiswa wezoRhwebo noShishino, uye wakhangelela kufutshane ubugcisa kule ndawo ngexesha endwendwele umzi-mveliso e Paarl obuvelisa impahla zamaqela emidlalo nabaxhasi bawo iminyaka engaphezu kwengamashumi
amabini. Isekwe ngo 1995 ngosele esishiyile Njengenxalenye ye Imbizo, abameli beSebe leeNkonzo zonuNjineli kuMasipala weDrakenstein nabo bandwendwelwe baze bamkela u Nksz Sindisiwe Chikunga, uMphathiswa kaZwelonke wezoThutho, eOosbosch Street Upgrade Project e Paarl.
Le projekthi iquka okokuqala-ngqa-eAfrika kokufakwa phantsi komhlaba kwezixhobo zokukhombisa izithuthi endleleni, ukuthintela ubusela nokonakaliswa, athe uMphathiswa wachukumiseka ngenene yiyo wade wathi ucinga ngokuyinabisela nakwabanye oomasipala kuzwelonke.
