UCeba uSiphokazi Mhlakane ethetha nabahlali baseNgqushwa malunga nokufakelwa kombane.

Ziyaphuculwa iinkonzo zombane eNgqushwa

December 6, 20232 years Dizindaba 359 Views

30 EyeNkanga 2023 – 06 EyoMnga 2023 – Anele Raziya

NGQUSHWA

Usodolophu womasipala waseNgqushwa uSanga Maneli uqhubela phambili nokuzisa inkonzo zombane kwilali ezingaphantsi kwalo masipala.

Kutshe nje umasipala ubhengeze ukuba imizi eyi 206 kwilali ezahlukeneyo eNgqushwa kulindeleke ukuba zifakelwe umbane ebutsheni bonyaka ozayo.

Kwaye umasipala uthe abahlali kulindeleke ukuba baxhamle kumathuba wengqesho xa kuqalisa le projekthi yokufakelwa kombane.

Konke oku kuvele ngexesha umasipala waseNgqushwa ububambe intlanganiso nabahlali bakwaWadi 4,5,6,9 kwiveki ephelileyo nalapho ubusazisa inkampani ezakufakela umbane kwezi ndawo.

Isangqa Somhlaba Group yinkampani engcongiweyo ukuba ifakele umbane kwezi lali zaseNgqushwa kwaye kulindeleke ukuba iqalise umsebenzi kunyaka ozayo.

Inkampani i-Afro Teams Consultant kulindeleke ukuba isebenze njengomcebisi xa kuqhuba le projekthi yokufakelwa kombane.

UCeba uSiphokazi Mhlakane obebambele usodolophu uSanga Maneli ngexesha kusaziswa unokontraka ozakufakele umbane, uthe bengumasipala banoxanduva lokuqinisekisa ukuba inkonzo ziyafikelela eluntwini gabalala.

Uthe imizi engaxhamlanga xa kufakelwa umbane kule projekthi izakubuya ifakelwe xa kuqala isigaba esilandelayo uPhase 2 wale nkqubo yokufakelwa kombane.

Uqhube wathi abahlali baseNgqushwa bazakufumana kumathuba weemisebenzi azakudalwa yile projekthi kwaye abasethubeni ngabo baqeqeshelwe ukufakela umbane.

Iofisi yenkampani ezakufakela umbane iza kuzinza kwilali iTildin ulungiselela abo bafuna ufaka izicelo zomsebenzi.

I Projekthi yofakelo mbane kule mizi eyi 206 evunyiweyo iza kuthabatha inyanga ezine igqitywe kwilali zonke zezi wadi zikhankanyiweyo ngezantsi.

Wadi 2 imizi ezakufakelwa iyi 84