Avalelwe amasela entambo zekopolo eMthatha
Amagosa ogcino mthetho kumasipala waseKing Sabata Dalindyebo eMthatha ngoLwesine weveki ephelileyo anqakule avalela amadoda amabini abesintsitheka nomthwalo wentambo zekopolo eyebiweyo.Athe akutshekwa zizicheku la madoda azinzalelwana zelizwe laseZimbabwe anyoba la magosa ngesixa mali esikumawaka alishumi R10000.La magosa abaqhubele kwisikhululo samapolisa eMadeira kumbindi wedolophu la madoda.
Ngethuba eseMadeira kufike umphathi wawo ongowokuzalwa kweli nosomashishini ohlonitshwayo.Ufike wongeza i-R3000 ukuthambisa iintliziyo zabantu bomthetho.Bazakuvela kwinkundla kaMantyi kuleveki bejamelene nesityholo sokweba iintambo zekopolo,ukuzama ukunyoba amagosa ogcino mthetho ze isibini esineminyaka ephakathi kwama-24 nama 32 bajamelane nesityholo sokungena kweli lizwe ngokungemthetho.
