INyandeni isingathe umnyhadala wenkcubeko 

Monwabisi Khininda | Nyandeni

Umasipala wasekuhlaleni waseNyandeni kwiveki ephelileyo ubusingathe umnyhadala wobugcisa nenkcubeko ngokubambisana nesebe leZemidlalo uBugcisa neNkcubeko kwisithili i-OR Tambo kuyochongwa amagcisa namaqela azayomela lo masipala kumnyhadala wesithili kule nyanga yamaGugu neNkcubeko.

Amagcisa abethabathe inxaxheba ibizimbongi,amaqela omxhentso,imidlalo yeqonga nonobalisa.Lo mnyhadala uqale kwiholo yedolophu yaseLibode kusuku lwesibini wasiwa koMkhulu eNdungunyeni. Lo mnyhadala wokubonisa ngezakhono kwezobugcisa sisandulela samagcisa azochongwa ayomela isithili sase-OR Tambo kumnyhadala kazwelonke iNational Arts Festival eRhini kunyaka ozayo kwinyanga yeSilimela.