Konyulwe ikomiti yamaxhwele namagqirha 

Intatheli: Monwabis Khininda | Mpuma Kapa

ISebe lezeMpilo lephondo iMpuma Kapa belibambe intlanganiso namaXhwele namaGqirha eMbizana Civi Centre kwiveki ephelileyo. Le ntlanganiso ibijolise ekomelezeni intsebenziswano phakathi kwesebe lezeMpilo naBaphilisi Bemveli kwakunye nokuxoxa ngemiba ephathelele kuMgaqo-nkqubo wamayeza emveli, ulawulo, ukuhlolwa nokuthunyelwa kwezigulane kumaziko ezempilo kunye nokuphuculwa konxibelelwano phakathi kweenkonzo zempilo zesintu nezisemthethweni.

Kule nkqubo konyulwe ikomiti entsha yaBaphilisi beMveli nasekulungelelaniseni imiba yaBaphilisi beMveli, kunye nokomeleza ubudlelwane phakathi kwabo neSebe lezeMpilo.

USihlalo wekomiti uNtethelelo Ntethe uthe ukusekwa kwale komiti kulinyathelo elibalulekileyo ekuphuculeni unxibelelwano, intsebenziswano nolungelelwaniso phakathi kwaBaphilisi beMveli, isebe lezeMpilo kunye noluntu. Ngenjongo yokuxhasa iinkonzo zempilo ezisemgangathweni neziphendula kwiimfuno zoluntu.