Abahlali bavale indlela beqhankqalaza
08 kuTshazimpuzi (Apr) 2024 – Monwabisi Khininda
Izinto zime ngxi kwindlela u-R411 kwindawo yaseMqanduli kwibhulorho yaseNgqungqu. Abahlali abebevutha ngumsindo bavale indlela edibanisa uMqanduli iXhorha neCoffee Bay. Abafundisi-ntsapho abahlala kwidolophu yaseMthatha nabaxelenga kwizikolo eziseMqanduli, eXhorha naseCoffeebay bavalelekile kuquka nabasebenzi bezinye iindawo nabantwana besikolo.Lo nto ikhokhelele ekubeni inkqubo yokufunda nokufundisa iphazamiseke.
Lixesha elixakekileyo ezikolweni kuba kubhalwa iimviwo zekota yokuqala yalo nyaka. Amapolisa, amagosa ezendlela akhawuleze athontelana ukuya kugcina ucwangco ecengana nabaqhaknqalazi kuba oluqhankqalazo belungachaphazeli izikolo kuphela koko beluchaphazela nezibhedlele ezibini iMadwaleni neZithulele ebezingafikeleleki.
Abahlali beqhabkqalaza nje banyanzelisa ukufakelwa isithobi –santya (speed hump) ngakwisikolo saseUpper Ngqungqu Junior Secondary ukuze kuphele iingozi ezikule ndawo.Oku kuza ngqo emveni kweziganeko eziliqela zokutshayiswa kwabantwana besikolo kula ndawo.
