Kusweleke iqela labakhweli kwingozi yetekisi

Monwabisi Khininda

Ingozi eyenzeke kwindawo yakwaSathana kwindlela u-R58 phakathi kwedolophu yaseNgcobo naseKhowa (Elliot) ngentlazane yangoLwesine ishiye isube imiphefumlo yabakhweli abahlanu loo gama konzakele abakhweli abalithoba.

Ngokwengxelo edizwe lisebe leZothutho eMpuma Kapa le ngozi yehle ngethuba itekisi eluhlobo lweMinibus iphulukana nolawulo lomqhubi yabhukuqa. Kudizwe ukuba le tekisi ibikhwelise abakhweli abalishumi nesine isuka eRustenburg isingise eMthatha, ngethuba ibhukuqa.

Ababhubhileyo ngabasetyhini abathathu,indoda enye kunye nemveku eyinkwenkwe enenyanga ezimbini qwaba izelwe.Kuvakala ukuba umqhubi uphakathi kwabantu abashiyeke bengabikwa hlaba. Abonzakeleyo bangeniswe kwisibhedlele saseNgcobo iAll Saints, iMthatha General kunye neNelson Mandela Academic.

Iimeko ezingunozala wale ngozi ziyinxalenye yophando ngokwehla kwale ngozi. Ityala lokubulala ngokungena zinjongo livuliwe kwisikhululo samapolisa saseNgcobo.