I-Alfred Nzo itshotsh’entla ngeziphumo ezihle

Monwabisi Khininda – 25 kuTshazimpuzi 2024

Isebe lezeMfundo eMpuma Kapa belisingathe intlanganiso yokugqibela yokufakana imilomo neenqununu zezithili iAlfred Nzo ne-O.R Tambo kutsha nje. Le ntlanganiso ibikhokhelwe ligqiza lesebe elikwiqoqo eliphezulu, liquka uMphathiswa wesebe uFundile Gade kunye nolibambela-ntloko uSharon Maasdorp.

Le ntlanganiso yokugqibela ibisingathelwe kumasipala wesithili sase-O.R Tambo. UMaasdorp uzingombe isifuba ngelithi kulo nyaka nakanjani belisebe bazokumfumana umyinge wama-85% kwiziphumo zeemviwo zokuphela konyaka. URay Tywakadi oyintloko kwezekharityulam ungqinile ukuba isithili sase-Alfred Nzo sizityela itheko ngokwenyusa iikawusi kweze matriki.

Iizithili iBaffalo City kunye neNelson Mandela ibikade izizo ebezitshotsh’entla ngeziphumo zematriki ezincumisayo, ukuzothi gaa ngoku isithili sase-Alfred Nzo sinkqenkqeza phambili ngeziphumo ezincumisayo. Ukongeza isithili sase-O.R Tambo asiziyekelanga naso;uGade uziqhwabela izandla ngokungazenzisiyo iinqununu zephondo.