Kugos’okophukayo kumaqela ezopolitiko

30 kuCanzibe 2024 – Intatheli kaDizindaba

Kubonakala engaqinisekanga amaqela amaninzi kwezopolitiko emveni kokuba kuthe kwavela amatsha kwezopolitiko.  Kubonakala kumaqela amathathu amakhulu kweli, iEFF, ANC kunye neDA imeko ingabonakalisi ngathi angaphinda ibe ngawo ahamba phambili.  Kubonakala ngathi amanye ala maqela matsha anganegalelo ekuhlephuleni abalandeli abaninzi kula maqela mathathu makhulu.

Olu nxunguphalo lungaka kula maqela makhulu kuvela emveni kokuba lithe labonakala lifumana abalandeli abaninzi iqela lo Mkhonto Wesizwe emveni kokuba ethe wazibandakanya nalo owayefudula engu Mongameli, umnumzana Jacob Zuma.  Abesemfuthweni wolwazi kuye kwabonakalisa kakhulu ngokunokwenzeka phaya KwaZulu Natal nalapho bekusoloko ingumbutho weIFP kunye neANC ebesoloko inobungangamasha kwela phondo.

Kuvakala okokuba nangona ebekhe wakhona u “Duntsa bhaka” Phakathi kwe ANC no Mkhonto Wesizwe nabede wakhokelela kwii nkundla zamatyala iye yawaphantsi iANC waphumelela Umkhonto Wesizwe.  Ngaxesha linye kubonakala ingeyiyo yodwa iANC ethe yachaphazeleka ngokuma kweMK koko nombutho weInkatha Freedom Party uthe wachapazeleka.  Kuvakalo okokuba ungenelelo luka mnumzana Zuma kwi MK kube negalelo elikhulu ntoleyo ebone abalandeli abancinzi beqhambeka nakwi ndawo ezisemaphandleni.  Ezi ndawo bezisaziwa ngokuxhasa iIFP ingakumbi ngexesha lo mbutho ubukhokelwa ngongasekhoyo unkosana uMangosuthu Buthulezi.

Kusenjalo inkokheli yombutho weDA, umnumzana John Steenhuisen uthe olu lonyulo luzakubhentsi ukufikelela esiphelweni solawulo kolu lawulo lwesithandathu.  Lo ka Steenhuisen uthe ngoku abantu bajongise ekukhetheni elona qela linganawo Amandla okubuyisela eli lizwe kw into ebeliliyo ngaphambili nalapho bekhukho inkitha yemisebenzi nendlala ingaziwa kweli.  Ukanti yena uMongameli Cyril Ramaphosa uthe umbutho we ANC uzibonile iimpazamo nozakufunda kuzo ze uzise ulawulo olubulo.  Lo ka Ramaphosa uthe uqinisekile iANC izakuluphumelela olu lonyulo kuba ingalo mbutho oweza neDemocracy kweli.