UBishop Diko uphumelele iwonga lesine
26 EyoMsintsi (Sept) 2024 – 09 EyeDwarha (Oct) 2024
Monwabisi Khininda
UBishop Zamile Diko (40) uphumelele iwonga lesine leBest Gospel Maskhandi Artist kwi Old Mutual 11th INGOMA ePolokwane. Lo kaDiko unesidanga sembeko kwiPhilosophy awasifumana kwiDivinity International Bible College esePietermaritzburg.UnguBishop kwibandla iMore Fire Resurrection Ministry phantsi koPastor Francis kuNgolo.
UGqirha Bishop Diko yinzalelwane yaseSajonisi kwaGingqi.Uqale ukucula ngonyaka ka-2002 xe esenza ibanga leshumi (grade 12).UDr.Diko kulonyaka uphumelele amawonga amathathu angala:- (i) Thandie and Thembisile Awards ebezibanjelwe eLusikisiki.Waphumelela kwiBest Maskhandi Artist . (ii) Waphumelela I-Inako Media Awards kwiBest Gospel Motivator phantsi kukaMnu Qwakaza zona zibanjelwe eMthatha Cathedral (iii) Waphumelela Ingoma Awards ebeziququzelelwe nguGqirha Dan.
UGqirha Bishop Diko ngumntu onesiphiwo sokunceda abantu ngomthandazo baphile ukwayimotivational speaker ejikeleza ezikolweni,baninzi abantu abancedakalayo.
UGqirha Diko uneenkqubo azisasaza kumajelo amabini asekuhlaleni iUnitra Community Radio neSajonisi Youth Radio.Kwi-UCR FM usasaza ngoMvulo ukuya ngoLwesihlanu ixesha yintsimbi yesihlanu (5.am) nango (17-50).KwiSajonisi Youth Radio ngo (7.10) ekuseni.Unalo necwecwe le-CD awalishicilela ngomnyaka ka-2015 waphinda ngonyaka ka-2023 washicilela icwecwe elinengoma ezilishumi elinesihlanu.Kulonyaka unecwecwe elinengoma ezilishumi elinesithathu.Kwelicwecwe usebenze no-DJ Deliver okwangumvelisi wamacwecwe akhe. “Ndiqaphele ukuba akwanele ukuthethe ngelizwi likaThixo ecaweni kuphela,nasemculweni kamaskhandi mandivakalise iindaba ezilungileyo,”kutsho uGqirha Diko.
UGqirha Bishop Diko ubulela abantu abamxhasileyo ngokuthi bamvotele ukuze aphumelele lamawonga mane.UDiko ungutitshala kwisikolo iSandi S.S.S eNgqeleni.Uthi kuDisemba walonyaka uzokwenza ingxikela yetheko esenza umbulelo ngempumelelo yakhe kumsebenzi wakhe wokugqithisa ilizwi likaThixo ngomculo kamaskhandi.
