Bancoma inkciyo abafana baseKapa

10 EyeDwarha (Oct) 2024 – 23 EyeDwarha (Oct) 2024

Intatheli kaDizindaba

Abafana bee lokishi ezaziwayo apha eKapa nabakhala ngokubuyiswa kwesithethe sakwa Xhosa indoni nalapho kuhlolwa iintombi balincome kakhulu iphulo lenkciyo.  Aba bafana nekuthiwa badlala iindima enkulu ekulweni impatho gadalala kamanina (Gender Based Violence) bathi kunyanzelekile okokuba agcinwe amasiko nezithethe zakwantu.  Bathi bawuncoma kakhulu umsitho weNkciyo nobubanjelwe kummandla wase Mbashe kutshanje.

  Aba bafana bathi bona bafuna sibuyiswe isithethe se Ndoni nekuthi kuso kuhlolwe iintombi.  Bathi bona bamile ekubeni xa bezeka bafuna iintombi nto ezimabele abhonxileyo, hayi “Amasekeni”.  

  Obethethela lo mbutho wabafaba uMalungelo Sapepa uDlamini uthe: “Intle kakhulu into ethe yenziwa phaya eMbashe nalapho bekubanjwe umsitho weNkciyo nalapho bekuboniswa ngokubaluleka kokugcinwa kwezo Ntombi zisakhulayo.  Kulo msitho bayebaziswa kakhulu aba bantwana ngokuzigcina besengabo ze bangakhe bazimanye ngesondo,” utshilo uZizi.

  Kulo msitho we Nkciyo kubonakale nee nkosi ze Sintu zizimasile nalapho ziye zabulela kakhulu kwabo bathe baququzelela lo msitho.  Ezi nkosi zomthanyama zithe kubaluleke kakhulu ukulondolozwa kwamasiko nezithethe zakwa Ntu.  Ziye zazisa nokuba kubalulekile okokuba isiko lenkciyo ligcinwe kuba lilungiselele okokuba xa iintombi zisenda zilotyolwe zisezi ‘Ntombi nto’.

  Kungokunje aba bafana balapha eKapa bathi mabancediswe ngoo mama ukubuyisa isiko lokuhlolwa kwee Ntombi kuba bona basatshele kumasiko nezithethe zakwa Ntu yaye bayakukhuxasa ukulondolozwa kwesiko lo Ndoni.  Bathi bona nanjengoko bengabafana “Fa” bangathanda ukuzimanya nee “Ntombi nto”.