Sivalwe okwethutyana isibhedlele saseNtlaza

14 EyeNkanga 2024 – 27 EyeNkanga 2024

Intatheli: Monwabisi Khininda

Zivalwe okwethutyana iinkonzo zempilo kwisibhedlele esiseNtlaza i-St Barnabas. Oku kulandela emva kokuba kuthe konakaliswa imijelo yokuhambisa amanzi ze kwebiwa iphampu zamanzi, nto leyo enika ubunzima ekungeniseni amanzi kwesi sibhedlele.

NgoLwesihlanu kwiveki ephelileyo iziphatha mandla zesebe lezeMpilo kuquka uSosithili wase-O.R Tambo uKhansela uMesuli Ngqondwana, uSodolophu womasipala waseNyandeni uViwe Ndamase bahlanganisene ukuze kuthathwe isigqibo sokuba sivalwe esi sibhedlele okwethutyana de kube kanti iyasombululeka le ngxaki. Abaguli basiwe kwizibhedlele ezikufutshana eMthatha ukuze bafumane unyango.