I-SRC INIKEZELE NGOKUTYA KUBAFUNDI

MPUMA KOLONI
Ibhunga elimele abafundi kwiziko i-SRC eliquka iGosa lezeMfundo uNelisiwe Faku, uNobhala jikelele uSihle Mdingi, uNongxowa uPhila Soyizwaphi kunye neGosa lezeMidlalo uPhilela Ngcambu bathe banikezela ngeepasela zokutya kubafundi beDyunivesithi yaseWalter Sisulu kwiziko eliseBuffalo City kuGompo.

“Siyazingca ukwazisa ukuba i-SRC iyaqhubeka nokuzibophelela kwintlalontle yabafundi ngokunabisa ukuhanjiswa kweepasile zokutya kwikhampasi yaseBuffalo City. Sisazame iipasile zokutya ezingama-400, sigxile ekuxhaseni abafundi bethu abangafumani nkxaso-mali.

Umbulelo ongazenzisiyo kuSekela-Tshansela wethu ngeminikelo yesisa eye yenza eli phulo libaluleke kangaka libe nokwenzeka. Inkxaso yenu iyawenza umahluko ngenene,” utshilo uMdingi.