AKASEKHO USIR.VIC TONJENI

16 kuCanzibe 2024 – Monwabisi Khininda

Ulishiyile emva kwengulo ende eli limagada ahlabayo uSir Vic Tonjeni. UTonjeni wazenzela igama njengoqweqwe lwentatheli nompapashi wamaphephandaba esiXhosa. USir Vic walendela ikhondo likatata wakhe uDizamahlebo Mahlebo Tonjeni owayesebenzela iphephandaba Imvo Zabantsundu.

USir Vic usebenze njengoMhleli kwiphephandaba lamaRoma Intsimbi eyayizinze eMthatha.Uphume apho wasebenzela isebe lezeNgcaciso phantsi korhulumente waseTranskei ehlela iphephandaba iTranskei Focus. Uye wasungula amaphephandaba Isigidimi,UMthunywa neSolomzi.Ngomnyaka ka-1994 ubelilungu lepalamente eBhisho apho ebemele umbutho we-ANC.

UTonjeni udlale indima enkulu ekuqeqesheni oonondaba abasakhulayo abafana noMonwabisi Khininda ongumhleli weKhwezi laseMthatha.

UDosini usweleke ngoLwesine weveki ephelileyo uzakungcwatyelwa eLower Tyirha kuQumbu ngomhla we-18 kuMay 2024.