Zosuliwe iinyembezi kumaxhoba ezikhukhula

Intatheli: Monwabisi Khininda|Mpuma Koloni

NgoLwesine weveki ephelileyo umasipala wesithili sase-OR Tambo ngokubambisana nomasipala wasekuhleleni wase-King Sabata Dalindyebo batyelelwe ngaMasamariya alungileyo angumzi wakwa-Clinix Health Group, African Bank ne-SOS. Injongo yolutyelelo ibikukuzeka mzekweni kwamanye amaziko namaqumrhu athe adlala indima ukuhlangabezana namaxhoba ezikhukhulu ebezithwaxe le ngingqi kutsha nje.

Izipho ezinikwe amaxhoba ziibhedi ezilikhulu (100), ibhedi nganye ihamba nemiqamelo emine (4),isitovu esincinane esinamaziko amabini kunye ne-onti neseti yeembiza. Abonakalise uchulumanco kanobom amaxhoba entlekele,ibingamayeyeye bevuma iingoma yimincili. Umzi wase-SOS uthembise ukuxhasa olu luntu, olwakhelwa izindlu zethutyana eMaiden Farm kude kufuphi nedolophu yaseMthatha,isithuba seminyaka emibini.

“ Huntshu kwiinkokheli zikaMasipala,kubaphi bezipho,nakwiinkokheli zasekuhlaleni,” kutsho uMandisa Mthembu ethethela abahlali.