Kugxotshwa imimoya engendawo emapoliseni eCacadu

Inkonzo yesipolisa ithe yaqhuba inkqubo ye-Healing and Cleanisng nalapho injongo ephambili ikukukhupha umoya omdaka kwisikhululo samapolisa saseCacadu nanjengoko amapolisa esoloko eneengxaki eziliqela ahlangabezana naze, ezinye izingxaki zomoya. Umasipala wase-Emalahleni nawo ubukho namanye amasebe nanjengoko besithi ‘ubambiswano ngamandla’. Le nkqubo iqaliswe kwisikhululo samapolisa nalapho bekuthandazwa kutshizwa, kuhewulwa imimoya emibi.

Kwanyathelwa nakwindlela u-R61 osoloko eneengxaki zeengozi nokusoloko kuphangwa izithuthi ezihambisa imali nanjengoko kuye kwayiwa nangakwisibhedlele iGlen Gray ze kamva inkqubo iyonke yayoqhutyelwa kwiholo yedolophu yaseCacadu. UKhansela Ntombizanele Koni onguSodolophu wase-Emalahleni uthi okubalulekileyo kukubambisana bengamasebe karhulumente, banikane inkxaso belungiselela ixesha lePasika, nokuba isiolisa zininzi izinto esijamelana nazo ezikwafuna uncedo ngokomoya. UKoni ukwathi olubambiswano lubonakalisa ukuba bayahlala kwi-IGR bebonakalisa ukuba bangurhulumente omnye banikane inkxaso. Othethela isiPolisa kwisithili iChris Hani uCaptain Yoliswa Mgolodela uthi besisipolisa bayayibulela inkxaso kamasipala wase-Emalahleni kwinkqubo abebeyibambile yomthandazo wokuthandazela abakhenkethi ukuba bakhuseleke ezindleleni baqaphele nokudinwa kwabo nokuba akuzuphinda kufane kwinkonzo yesipolisa ngalomthandazo nanjengoko besoloko behlangana nezinto ezinika uxinzelelo.