Mkhulu umsantsa kwisizwe samaMpondo 

Intatheli: Monwabisi Khininda|Mpuma Koloni

Isizwe samaMpondo asisabumbananga njengexesha langaphambili ngenxa yokubangisana ngobukhulu nobuKumkani. Oku kuye kwavela elubala kwabonwa nanguthathatha ngexesha lemibhiyozo yenyanga yamagugu nenkcubeko, kwiveki ephelileyo. Izindlu zamaNyawuza ezingaboni ngasonye kwinzala kaFaku bezisingethe imibhiyozo ngokwahlukeneyo. Oluqhekeko ikakhulu luchaphazela amaMpondo aseMpuma eQawukeni.

Umbhiyozo wokuqala ububanjelwe eMithweni Royal Family eNtafufu eLusikisiki lo mnyhadala ubukhokelwe libambela Kumkani uNkosana Daluxolo Dumelani Sigcau. Imibhiyozo emibini nayo ibibanjwe ngokwahlukeneyo eFlagstaff nalapho bekukhunjulwa iKumkani eyakhothamayo uZanozuko Tyelovuyo Sigcau. Kulo mbangiswano bona bazibiza ngokuba yi-AmaMpondo Royal Family. Lo umyhadala ubukhokelwe nguSilosohlanga kaDakhile ubuqhutyelwa kumabala esikolo iEkuphumleni J.S.S eFlagstaff.

Kukho imbambani enkulu phakathi kwamaFaku Royal Family namaMpondo Royal Family ngoyena mntu amakangene ezihlangwini zikaKumkani Zanozuko Sigcau njengeKumkani yesizwe samaMpondo aseQawukeni. Umnyhadala wesithathu kwangalomhla umnye oodadebo Kumkani uZanozuko Sigcau uNkosazana Nontsasa Sigcau noNkosazana Ziyanda Sigcau bebeqhuba owabo umbhiyozo. Lo umbhiyozo ubuzinyaswe bubukho bukanina kaZanozuko uNdlunkulu uNobandla Sigcau.

Kudule ukuba lo wasemabaleni eFlagstaff izinto khange zihambe kakuhle ngenxa yomyalelo wenkundla obunyanzelisa ukuba lo mbhiyozo mawungaqhubeleki. Emva kweli xwebhu lenkundla abantu baye bakhululeka kwachithwa neqonga ebelilungiselelwe lo mnyhadala.